Komunikazio emozionala: tresna eta jokabide komunikatiboak gizartea mugiarazten

Gaia
Egitaraua
Hizlariak
Multimedia
Ondorioak
Prentsa

Komunikazio emozionala: tresna eta jokabide komunikatiboak gizartea mugiarazten

Informazioaz inguratuak bizi garen aro honetan, gero eta garrantzia handiagoa dauka mezuaren aukeraketak, emateko moduak, kanalak… Baina informazio anabasa horretan boterearen hegemonia aldatu da, jada ez dira hedabide handiak esklusiboki agenda markatzen dutenak edo filtro lana egiten dutenak.

Testuinguru horretan hedabide handien komunikazioaz haratago, gizarte mugimendu alternatiboen mezuak inoiz baino ozenago eta indartsuago hedatzen dira, emozioetara iritsiz, masa mugimendu handiak eraginez...

Egun kolektiboki bideratutako edozein ekintza ikusgarritasuna izateko zabalkundea behar duten euskarrien, mezuen, teknologien eta ereduen laborategi bilakatzen da.

Teknologiak eta hizkuntzaren tratamendu egokiak ere berebiziko faktoreak dira komunikazio eraginkorra burutu nahi bada.

Euskarabildua jardunaldien bidez, komunikazio eraginkor horren gakoak zeintzuk diren aztertzen saiatuko gara, kanpoko eta bertako esperientziak lehen eskutik ezagutuz eta elkarren artean, beti bezala, ezagutza partekatuz.

Egitaraua

09:00: Aurkezpena
09:15: Hitzaldia: Euskal Herriko egitasmo komunikatibo mugiarazleak
- Aitziber Gurutzeaga (Egia Euskaraz)
- Kattalin Miner (Mugimendu Feminista)
- Peru Aranburu (Errigora egitasmoa)
10:00: Hitzaldia: Herrigintzatik Argia indartzera goaz
Iraitz Agirre eta Lander Arbelaitz (ARGIA)
10:30: Hitzaldia: How Iceland "crowd sourced" its constitution in the aftermath of its financial crisis
Katrin Oddsdottir (Islandia)
11:00: Atsedenaldia
11:30: Hitzaldia: ¿Un mundo sin traducción?
Scheherezade Surià, itzultzailea (Katalunia)
12:00: Hitzaldia: 'Merci Patron!' y otros proyectos audiovisuales para el cambio social
Aritz Cirbián (Compacto Coop)
12:30: Hitzaldia: La revolución de las sonrisas: la sociedad civil catalana y el nuevo activismo político
Galdric Peñarroja, argazkilaria (Katalunia)

Hizlariak

Katrin Oddsdottir

How Iceland "crowd sourced" its constitution in the aftermath of its financial crisis

gehiago ikusi

Scheherezade Suria López

Itzultzailea

Â¿Un mundo sin traducciÃ³n?

gehiago ikusi

Galdric Peñarroja

Argazkilaria

La revoluciÃ³n de las sonrisas: la sociedad civil catalana y el nuevo activismo polÃtico

gehiago ikusi

Kattalin Miner

Lotu feminismora: nola lortu atxikimendu eta konpromisoak

gehiago ikusi

Peru Aranburu

ERRIGORA. Askotariko interes eta herritarrak saretzea

gehiago ikusi

Aritz Cirbián

'Merci Patron!' y otros proyectos audiovisuales para el cambio social

gehiago ikusi

Aitziber Gurutzeaga

Egian euskaraz bizi nahi dugulako

gehiago ikusi

Lander Arbelaitz

Argia aldizkariko kazetaria

Herrigintzatik Argia indartzera goaz

gehiago ikusi

Iraitz Agirre

Argia aldizkariko kazetaria

Herrigintzatik Argia indartzera goaz

gehiago ikusi

Multimedia

Bideoak

Argazkiak

Graphic recording

Ondorioak

GIZARTEA MUGIARAZTEKO AHAZTU EZINEZKO
15 GAKO KOMUNIKATIBO

Euskarabilduaren bosgarren edizioa azaroaren 10ean ospatu zen Donostiako San Telmo museoan, Iametza Interaktiboak, Argiak eta Ametzagaiña taldeak antolatuta. Bertan gizartea mugiarazten duten jokabide komunikatiboak izan ziren aztergai eta dokumentu honetan jardunaldi guztian zehar hizlari desberdinek aipatutako gako komunikatibo nagusien bilduma egin dugu.

Izan ere, sarritan komunikazioaren inguruko jarduna marketin parametrotan mugitzen da eta kasu askotan kanpainek ez dute azken helburua betetzen; norbanakoarengan nolabaiteko aldaketa eragitea, dela jokamoldeetan, iritzietan edota ohituretan. Hau da, kanpainen diseinuak ez digu bermatzen arrakasta eragin nahi den gizarte aldaketa horretan, nahiz eta kanpaina bera arrakastatsua izan. Hala, gerta liteke adibidez, euskararen aldeko kanpaina bat entzutetsua bilakatzea, baina praktikan euskararen erabilera datuak ez hobetzea.

Gida honen bidez komunikazioan aritzen den orok ahaztu ezinezko gakoak bildu nahi izan ditugu, gizartean eragin nahi duen edonorentzat baliagarri izango direlakoan.

GARDENTASUNA
Ez izan beldurrik gauzak diren moduan azaltzeko. Adibidez, Islandiako Konstituzio Batzordeak webgunea zuen eta konstituzio berriaren erredakzioaren aurrerapenak astero publiko egiten zituzten.
JENDEAK KANPAINAREN PARTE SENTITU BEHAR DU
Jendeak komunikatzen ari garen horrekin bere burua identifikatua sentitu behar du eta sujetu aktibo sentiarazi behar diogu, berari eragiten, ukitzen dion egoera bat azaltzen ari garelako. Mezuak hori lortzera bideratu behar dira.
TXIKITIK HANDIRA ERAGIN, AZPITIK GORA MUGITU
Ekimen txikietatik sortzen dira mugimendurik handienak, auzolana, saretzea eta komunitatea pixkanaka sortzeak emozioa eragiten du eta testuinguru horretan norbanakoa ekintzaile eta bide batez komunikatzaile bihurtzen da, bozgorailu efektua biderkatuz.
EZ SAIATU MEZUAK SINPLIFIKATZEN
“Mezu konplexuak egonda ere ez gara saiatu behar deskafeinatzen”, esan zigun Kattalin Miner-ek.
MEZU ZUZENAK EMAN
Pentsa dezagun, ‘zer nahi dugu lortu?’ eta modu garbian ekintzara deitzen duten mezuak emateko beldurrik ez izan: Harpidetu!, Izena eman!…
KONTAKIZUN BISUALAK ERAIKI
Ikusi hutsarekin ulertuko diren kontakizunak. Adibidez, 2014ko Diadak garaipena adierazten zuen V ikurra izan zuen ardatz.
IRRIBARREA, UMOREA ETA ENTRETENIMENDUA BETI DIRA SENDAGAIRIK ONENAK
Mezu sakon eta serioenak ere errazago sartzen dira irribarre batekin. Horren adibide, ‘Merci Patron’ dokumentala, familia baten miseria ekonomikoak umorez azaltzen dituen maisu lana. Beraz, ez dezagun mundua dagoena baino gehiago ilundu!
EKINTZA LUDIKO ETA KOLEKTIBOAK ANTOLATU
Jai giroan antolatutako ekintzek beti daukate arrakastarako aukera gehiago. Ekintza horiek parte-hartze espazio gisa funtzionatuko dute. Horiek eginez gero, materiala egon dadila bermatu behar dugu: argazkiak eta bideoak, horien kontakizuna ahalbidetzeko.
MEZUA HARTZAILEAREN HIZKUNTZAN EMAN
Komunikazioetan hizkuntzaren tratamendua zaindu behar da eta hartzailearengan pentsatuz, berea den hizkuntzan egin behar diogu.
SARE SOZIALAK BELDURRIK GABE ERABILI
Zertarako? Parte-hartzaileen esperientziak zabaltzeko, jendearen ekarpenak jasotzeko… Islandiako prozesuan adibidez Facebook-ek paper garrantzitsua bete zuen, konstituzioaren artikulu bakoitzari jendearen ekarpenak jasotzerako garaian.
EZ SAIATU INFORMAZIO GUZTIA KONTROLPEAN MANTENTZEN
Informazioa zenbat eta deskontrolatua dagoela iruditu, komunikazio ekintzak are eta arrakasta gehiago duen seinale. Jendea inork eskatu gabe, bere sorkuntzak egiten hasten den unean, horrek gure helburua bete dugula adieraziko du, hau da, kanpainarekin bat egiten duela, aktiboki parte hartu nahi duela.
IKUS-ENTZUNEZKOEN BOTEREAZ BALIATU
Ikus-entzunezkoen bidez gauza asko modu bisualean eta ulergarrian azaldu daitezke. Beraz, baliatu kanal hori. Islandiako prozesuan adibidez, azalpen bideoak argitaratu zituzten eta Konstituzio Batzordearen asteroko bilerak streamin bidez emateko Youtube baliatu zuten.
EKIMEN KULTURALETAN PENTSATU
Dokumentalak bezalako ekintza kulturalak komunikazio ekintza bezala oso baliagarriak dira, inpaktu handia lor dezakete eta gizartea mugiarazteko gaitasuna daukate. Gainera, bide batez, kultura bezalako eremu bat bultzatuko dugu.
FINANTZIAZIOAK EZ DU ARAZOA IZAN BEHAR
Saiatu modu alternatiboetan pentsatzen. Gaur egun crowdfunding ekimenek sekulako arrakasta dute. Merchandisin objektuak ere finantziazio iturri izan daitezke. Assemblea Nacional Catalanak adibidez, kamiseten bidez finantziatzen dute euren ekintzen zatirik handiena.
NAZIOARTEKOTZEAN PENTSATU
Gure mezuak lurraldearen mugak gainditzeak ez digu beldurrik eman behar. Kanpoan ere gure ekimena ezaguna izan dadin, egin beharrekoetaz pentsatu behar dugu.