2008ko krak finantzarioaren ostean, Islandiak bere konstituzioa berridatzi zuen aurrez sekula erabili gabeko metodoak erabiliz. Arrazoiketa batzuen arabera, berridazketa prozesu honen emaitza, munduan, gizartearen parte hartzearekin idatzi den lehenengo konstituzio izan zen. Katrin Oddsdóttir konstituzioa berridazteko aukeratutako 25 pertsonetako bat izan zen. Bere esanetan testuak berak baino garrantzia handiagoa dauka burututako prozesuak, erabilitako metodologiak, konstituzioaren berridazketa inklusiboa eta adostasunera bideratua izan daitekeela frogatzen duelako. Proiektu honen onurarik handiena gizartearen jakituria balioan jartzea izan zen.
Modu aleatorioan aukeratutako 1000 pertsonek osatu zuten Kontseilu Konstituzionala eta beraien esku geratu zen Konstituzioaren oinarrizko balioak erabakitzea. Gizartea sare sozialen edo kontseiluaren webgunearen bitartez zirriborroaren berridazketa prozesuan parte hartzera gonbidatu zuten eta hauen ekarpenek efektu zuzena izan zuten proiektuan. Oddsdóttiren esanetan legislazioa idazteko metodologia hau, urte askotan zehar informatikan erabili diren kontzeptuetan oinarritua, prozesu politiko handietarako oso erabilgarria izan daiteke. Mundu osoan zehar aldaketarako aldarria zabaltzen ari da eta demokrazia zuzenak pisu handiagoa hartu behar du mota honetako prozesuetan. Islandiako kasuak aktibitate legislatiboak modu ireki, garden eta inklusiboan egitea posible dela irakasten digu.
antolatzaileak:
babesleak:
laguntzaileak:
© 2012-2024 Euskarabildua - Ametzagaiña Taldea
