Fisikaria, bizitza artifizialean eta sistema konplexuetan aditua
Danimarkako fisikaria da. Bizitza osoa darama bizirik ez dauden materialetatik bizidunetarako trantsizioa esploratzen; hau da, bizitza artifiziala ikertzen.
Gaur egun fisikako irakasle emeritua da Danimarka Hegoaldeko Unibertsitatean eta kanpo ikerketa irakaslea Santa Fe Institutuan. 20 urte eman zituen ikerlari lanetan Los Alamosko (Mexiko Berria) Laborategi Nazionalean Bizitza Artifizialaren eta Sistema Konplexuen taldeetan.
HITZALDIARI BURUZ
Steen Rasmussen-ek Adimen Artifiziala aztertzen du ikusteko nola algoritmoek prozesu biziak sor ditzaketen material biologikorik gabe eta ohartarazten du Adimen Artifiziala bere burua sortzeko eta mantentzeko gaitasuna duen sistema bilakatzen ari dela. Hau da, gizakion menpekotasuna gutxitzen joango dela eta bere kabuz irauteko joera garatuko duela, izaki bizidunek egiten duten bezala.
Besteak beste, horrek esan nahi du gure gizarteko azpiegitura kritikoak (ekonomia, energia-sareak, logistika) AAren esku uzten baditugu, eta sistema horiek gure ulermenetik kanpo eboluzionatzen badute, AAak burujabetza lortuko duela eta gizakiok galdu egingo dugula.
Arrisku horien aurrean, Rasmussen-en ustez gakoa da arkitektura deszentralizatuak sortzea. Boterea datu-zentro erraldoi eta opakoetan zentralizatu ordez, AA kode irekikoa eta komunitateen zerbitzura egongo den tresna garden bat bezala diseinatu behar da, betiere giza ongizatea merkatuko etekin hutsen aurretik jarriz.
Hitzaldia ingelesez izango da.
antolatzaileak:
babesleak:
kolaboratzaileak:
laguntzaileak:
© 2012-2026 Euskarabildua - Ametzagaiña Taldea
