PuntuEus Fundazioko zuzendaria
Informatikan lizentziatua da EHUn eta Proiektuen Zuzendaritzako masterra du Mondragon Unibertsitatean. Gaur egun, PUNTUEUS Fundazioko zuzendaria da eta besteak beste, .EUS domeinuaren kudeaketaz arduratzen da. 2014tik domeinu-izenen industrian murgilduta dago eta ICANNeko gobernantzan ere parte hartzen du: TLD geografiko eta komunitarioak ordezkatzen dituen GeoTLD. Group taldeko lehendakariordea eta ICANNeko 2025eko Nominating Committee-ko kidea da. Deustuko Unibertsitateko Zuzenbide Digitaleko Masterrean ‘Interneteko gobernantza eta domeinuen merkatua’ ikasgaia irakasten du. Bere ibilbide profesionala euskara ingurune digitalean sustatzera bideratu du, proiektu teknologiko eta berritzaileen bidez. Aurretik, Elhuyar Fundazioko Proiektu eta Berrikuntza zuzendaria izan zen eta Eleka Ingeniaritza Linguistikoko sortzailea. Euskararen Aholku Batzordeko kide izana eta Langune elkarteko lehendakari ohia da.
HITZALDIARI BURUZ
Interneteko erabaki gune nagusietan ingurune digitala arautzen duten politika eta arauak erabakitzen dira, eta horiek zuzeneko eragina dute euskal komunitate digitalean. Waliñok Interneteko gobernantza foro nagusiak zein diren, nola antolatzen diren, eta euskal komunitateak bertan duen eta izan beharko lukeen presentziari buruz hitz egingo digu.
Hitzaldia euskaraz izango da
antolatzaileak:
babesleak:
kolaboratzaileak:
laguntzaileak:
© 2012-2025 Euskarabildua - Ametzagaiña Taldea
