Hitz Zentroko zuzendaria
Eneko Agirre Bengoa EHUko irakasle osoa da, Adimen Artifizial Sortzailean eta Hizkuntza Teknologian espezializatutako HiTZ ikerketa-zentroko zuzendaria. Adimen Artifizialaren eta Hizkuntza Teknologiaren HiTZ Katedraren sortzailea eta lehen zuzendaria da. 2021ean Informatikako Ikerketa Sari Nazionala jaso zuen. ELLIS (European Laboratory for Learning and Intelligent Systems) eta ACL (Association for Computational Linguistics) erakundeen Fellow hautatu dute. Jakiundeko kidea ere bada, Euskal Herriko Zientzia, Arte eta Letren Akademiakoa. 200 argitalpen zientifiko baino gehiagoren egilea da eta 50 ikerketa-proiektutan parte hartu du.
MAHAI-INGURUARI BURUZ
Mahai-inguru honetan, euskaratik abiatuta eta euskara ardatz hartuta adimen artifizialeko eredu eleanitzak garatzeak duen garrantzia aztertuko da. Arreta berezia jarriko da eredu ireki zein libreen inguruan eta datuen kudeaketa estrategikoan, gure hizkuntzak teknologiaren ekosistema globalean lekua eta burujabetza izan ditzan.
Mahai-ingurua euskaraz izango da.
antolatzaileak:
babesleak:
kolaboratzaileak:
laguntzaileak:
© 2012-2026 Euskarabildua - Ametzagaiña Taldea
