Gaur egun edozein erakundek behar du ERP (Enterprise Resource Planning) edo Enpresa Baliabideen Plangintzarako software bat izatea, bere jarduna kudeatu ahal izateko. Mota honetako softwareek edozein erakunderen alor desberdinen kudeaketarako funtzionalitateak eskaintzen dituzte: ekoizpena, finantzak, giza baliabideak...
Baina merkatuan dauden ERP soluzio ezagunenak jabedunak dira, softwarea hornitzailearena da eta bezeroari eskaintzen zaion autonomia mugatua da. Errealitate horren alternatiba gisa jaio zen Odoo duela hamar urte eta gaur egun pisu handia hartzen ari den tresna bat da. Norberak bere kasa ere instalatu dezake eta librea denez, pertsonalizatzeko aukerak eskaintzen ditu.
Euskarabildua jardunaldietan Beñat Irasuegi Talaios Kooperatibako kideak Odoo tresna aurkeztuko du.
Euskarabildua jardunaldia urriaren 26an egingo da San Telmo museoan eta antolatzaile da ARGIA, Iametza eta Ametzagaiña taldeko enpresekin batera. Bertaratu nahi izanez gero, www.euskarabildua.eus webgunearen bidez izena eman daiteke.
antolatzaileak:
babesleak:
laguntzaileak:
© 2012-2024 Euskarabildua - Ametzagaiña Taldea
