Iaz guztiok entzun genuen Common Voice egitasmoaren deia, euskal herritar ugariren ahots grabaketak eskatuz; besteak beste, Eusko Jaurlaritzako Hizkuntza Politikarako sailburuordetzak Gaitu egitasmoaren baitan ekimen hau sustatu zuelako. Jaurlaritzaren kanpaina hark makinekin euskaraz ulertzeko gai izango den ahots teknologia bilatzen zuen Common Voice egitasmoaren helburuekin bat eginez, eta egiaz, grabaketa ordu kopurua nabarmen igo zen. Baina herri ekimen hark eman zuen fruitua non dago? Euskarazko ahots teknologia zertan da? Norantz goaz?
Besteak beste hori aztertu nahi da Euskarabildua jardunaldian gai honi eskainiko zaion mahai-inguruan.
Bertan izango dira Gorka Varela Vicomtech-eko Transferentzia Teknologikoko arduraduna, Jon Sanchez EHUko Hitz Hizkuntza Teknologiako Zentroko Aholab-eko kidea, Xabier Ezpeleta Tknika-ko informatikaria eta Igor Leturia Orai-ko Hizketa-teknologien arduraduna. Mahai-inguruko moderazio lanetan ariko da ARGIAko kazetari Jon Torner.
antolatzaileak:
babesleak:
laguntzaileak:
© 2012-2024 Euskarabildua - Ametzagaiña Taldea
