euskarabildua

Albisteak

Euskaldun, katalan eta portugaldar aditu banak IKTak eta hizkuntzen irakaskuntzari buruzko gogoeta egingo dute Euskarabilduako lehen mahai-inguruan.

Izan ere, gizartea eta lan arloa gero eta eleanitzagoak diren aro honetan, hizkuntzen irakaskuntza moda bat baino gehiago behar erreala da eta hizkuntzen irakaskuntza horretan tresna teknologikoak txertatzea, beharra baino urgentzia bilakatu da.

Aipatu mahai-inguruan Josi Sierra arituko dela moderatzaile lanetan; Sierra Eusko Jaurlaritzako Hezkuntza saileko Berritzegune Nagusiko IKT aholkulari teknikoa da. Bere eskutik elkarrizketan arituko dira Maite Goñi, Neus Lorenzo eta María José Loureiro.

Maite Goñi Mondragon Unibertsitateko eta Jakintza Ikastolako irakaslea da. Mondragon unibertsitateko MU PLUS Online taldean, irakasleen formazio pedagogiko-teknologikoaren ardura du eta, horretaz gain, master ezberdinetan eskolak ematen ditu Informazio eta Komunikazio Teknologiak Hezkuntzan alorrean.

Neus Lorenzo, egun Kataluiniako Generalitat-eko Hezkuntza Ikuskatzailea da; hezkuntza maila guztietan esperientzia du irakasle gisa. Jaume Bofill fundazioko ikertzailea da baita ere, non hezkuntza-eduki digitalak eta ikaskuntza eszenategi birtualak ikertzen dituen. Horrez gain, hezkuntza-ekintza presentzialak eta birtualak garatzen ditu.

María José Loureiro irakaslea da Aveiroko Unibertsitatean (Portugal). Hezkuntza ministerioko Hezkuntza Teknologietako IKT Konpetentzien Zentruko baliabide-taldeko partaidea da unibertsitate horretan. Didaktikan eta eLearning alorrean doktorea da gaur egun eta IKTak eta atzerriko hizkuntzen irakaskuntza ikastaroetan irakaslea izan da.

atzera

antolatzaileak:

Ametzagaiña taldea iametza interaktiboa Argia

babesleak:

Eusko Jaurlaritza Gipuzkoako Foru Aldundia Donostia Euskara Fomento San Sebastián Donostia Indeus Laboral Kutxa

laguntzaileak:

Asle Antza komunikazio grafikoa Azkue Fundazioa Antic Pays Basque Badalab Batura BDS koop Beterri Debagoieneko Mankomunitatea Debegesa- Debabarrenako garapen agentzia Deustuko unibertsitatea Ehkom- Euskal Herrian telekomunikazio sare publiko-komunitarioak hedatzen EITB Elhuyar Elkar Gaia GISA Elkartea Goieki Hekimen Hernani Burujabe Hiritik At Irutxuloko hitza Iparra Izarkom Langune Mondragon Unibertsitatea Oarsoaldea Olatukoop Puntu Eus Reas - ekonomia alternatibo eta solidarioaren sarea San Telmo Seaska Spri Steilas Talaios Teks Tolosadea garatzen Udalbiltza UEMA Udako Euskal Unibertsitatea

© 2012-2024 Euskarabildua - Ametzagaiña Taldea