2024 | 13. edizioa
partekatuDatuak gaur egungo ondasun preziatuena direla ulertarazi nahi dugu eta horien kudeaketa maila lokalean egin dadin esperientziak partekatu nahi ditugu. Teknologiaren funtzionamendua zehazten duten arauak publikoak izan beharko luketela aldarrikatu nahi dugu eta hezkuntza bezalako esparruak erraldoi teknologiko handien interesetatik babestu behar ditugula, herritarron eskubideak eta herri bezala dugun kultura eta hizkuntza defendatu nahi baditugu.
Era berean teknologia modu burujabean kudeatzeak tokiko ekonomia indartzea dakarrela azpimarratu eta euskarak ingurune digitalean aurrera egin dezan burujabetza hau beharrezkoa zaigula erakutsi nahi dugu.
Horregatik, Euskarabildua Jardunaldietako edizio berri honek, teknologiaren erabilera etikoagoa, iraunkorragoa eta bideragarriagoa aldarrikatzen dutenen ahotsak entzuteko aukera emango du.
Apuntatu data: Urriaren 17an izango da Donostiako San Telmo Museoan.
antolatzaileak:
babesleak:
kolaboratzaileak:
laguntzaileak:
© 2012-2026 Euskarabildua - Ametzagaiña Taldea
